अवसरी : शासकीय अभियात्रिकी व संशोधन महाविद्यालय अवसरी(खुर्द) येथे स्वयंचल अभियांत्रिकी विभागात अखिल भारतीय तकनिकी शिक्षा परिषद (AICTE),व इंडियन सोसायटी फॉर टेक्निकल एज्यूकेशन (ISTE) आणी महाविद्यालय आयएसटीई चाप्टर यांच्या संयुकत विद्यामांने “आयओटीची व्याप्ती आणि ऑटोमोटिव्ह आणि कृषी उद्योगात त्याचे उपयोग ”) या विषयावर एक आठवड्याचा ऑंनलाईन अध्यापक विकास कार्यक्रम दि.०३ ते ०५ मे २०२१ दरम्यान संपन्न झाला .सदरील कार्यशाळा अखिल भारतीय तकनिकी शिक्षा परिषद(AICTE) ,व इंडियन सोसायटी फॉर टेक्निकल एज्यूकेशन (ISTE) द्वारे प्रायोजित करण्यात आली व कार्यशाळे करीता पूर्ण अनुदान त्यांच्यामार्फत तर्फे देण्यात आले.

सदर कार्यशाळेचे उद्घाटन महाविद्यालयाचे प्राचार्य डॉ.ए.एस.पंत यांचे हस्ते व प्रमुख अतिथी प्रा.डॉ. राजेंद्र बी.काकडे (सल्लागार -१, एआयसीटीई, नवी दिल्ली), प्रमुख पाहुणे प्रा. डॉ. सर्जेराव बी. निमसे (माजी कुलगुरू, लखनौ विद्यापीठ आणि एसआरटीएमयू नांदेड) यांनी “राष्ट्रीय शैक्षणिक धोरण 2020: उच्च शिक्षणात प्रमुख सुधारणा” या विषयावर मार्गदर्शन केले. सन्माननीय अतिथि प्रा. डॉ. येरा राम मोहन राव (कार्यकारी परिषद सदस्य, आयएसटीई, नवीन दिल्ली), तसेच डॉ. डी. आर. पानगव्हाणे (कार्यशाळा संयोजक व मुख्य समन्वयक) स्वयंचल अभियांत्रिकी विभाग प्रमुख यांच्या उपस्थित करण्यात आले. या वेळी प्राचार्य डॉ.ए.एस.पंत म्हणाले की “सध्या इंटरनेट ऑफ थिंग्जची अत्यंत गरज असून मोटर वाहन, कृषी क्षेत्र व इतरही वेगवेगळ्या क्षेत्रात आयओटीचा उपयोग करून उत्पादकता वाढवता येऊ शकते. सर्व सहभागी प्रशिक्षणार्थिनी मोटर वाहन आणि कृषी क्षेत्रात आयओटी च्या विविध अनुप्रयोगा बद्दल ज्ञान आत्मसात करावीत व त्यांचा लाभ विद्यार्थ्यांपर्यंत पोहोचवावा.” डॉ. डी. आर. पानगव्हाणे, कार्यशाळा संयोजक व मुख्य समन्वयक यांनी कार्यशाळेचे महत्व विषद करताना सांगितले की, “ऑटोमोटीव्ह व कृषी हे दोन्ही वेगवेगळे क्षेत्र आहेत. ऑटोमोटीव्ह क्षेत्रात वाहतुकीचे व्यवस्थापन करणे, डेटा ट्रान्सफर करणे, वाहन ते वाहन संवाद साधणे याप्रकारच्या घडामोडी आयओटी चा उपयोग करून स्मार्ट गतिशीलतेकडे वाटचाल करत आहे. ऑटोमोटीव्ह व कृषी क्षेत्रात आयओटी सारख्या तंत्रज्ञांनाचा वापर करून आपण त्यांची कार्यक्षमता वाढवू शकतो तसेच देशातील सर्व शाखांच्या अभियंत्यांना संशोधनकरणाऱ्यांना व शिक्षकांना समाजामध्ये विविध कामाकरिता आयओटी उपयुक्त ठरणार आहे. विविध उपकरणे सेन्सरसह बनवल्या जाऊ शकतात, इंटर्ंनेटशी संवाद साधू शकतात व त्यामुळे जगातल्या कोणत्याही ठिकाणाहून कार्यन्वित केली जाऊ शकतात. सदरील कार्यशाळेच्या आयोजनामुळे आयओटीच्या तांत्रिक बाबींविषयी प्राध्यापकांमध्ये जागरूकता येईल व त्याचा उपयोग विद्यार्थ्याच्या कौशल विकासात होईल.”

या कार्यशाळेकरिता एकूण १०६ प्रशिक्षणार्थि सहभागी झाले होते. या कार्यशाळेकरीता उद्योग क्षेत्रामधील व शैक्षणिक संस्थामधील विविध नामांकित तज्ञ व्यक्तींना आमंत्रित केल्या गेले होते. डॉ. विश्राम बापट (संचालक, डीएसएस, मुंबई), प्रा. डॉ. अतुल नेगी (प्राध्यापक, एससीआयएस, हैदराबाद विद्यापीठ), श्री.यु.के.सूर्यवंशी (वरिष्ठ व्यवस्थापक – आयटी केंद्रीय रस्ते वाहतूक संस्था (सीआयआरटी), पुणे), श्री अंजुम मुजावर (मुख्य तंत्रज्ञान अधिकारी, व्हीएपी, मुंबई), श्री रवि महाजन (उपाध्यक्ष अभियांत्रिकी, पिनॅकल इंजिन, पुणे), डॉ. पराग कुलकर्णी (मुख्य कार्यकारी अधिकारी आणि मुख्य वैज्ञानिक, इकॉनॉलेशन संशोधन प्रयोगशाळा, पुणे, भारत), श्री रमेश कडागांची (संस्थापक, सायबरलायटिक्स तंत्रज्ञान), डॉ जोनाथन जोशी (मुख्य कार्यकारी अधिकारी,शिक्षण, मुंबई), श्री.विजय हाके व श्री वरून दबके (सोशल वर्कर आणि आर्ट ऑफ लिव्हिंग फाऊंडेशनशी संलग्न), डॉ राव (आयआयटी खडगपूर) डॉ. तुळशीदास बसतेवाड (प्राचार्य, वैज्ञानिक, एम.पी.के. विद्यापीठ, राहुरी), श्री जोशी उदयन (महाप्रबंधक, जॉन डीरे प्रा. लि.), डॉ. दीपक शर्मा (सहयोगी प्राध्यापक, यांत्रिकी अभियांत्रिकी विभाग, आयआयटी गुवाहाटी), डॉ. पार्ले दत्तात्रय (संचालक, सिमुलेशन सेंटर,पुणे), डॉ. श्री. देशपांडे मिलिंद (वरिष्ठ व्यवस्थापक, महिंद्रा गुणवत्ता संस्था, नाशिक), श्री. देबेश रथ (वरिष्ठ सरव्यवस्थापक रांजणगाव, पुणे), श्री. सुहास गोखले (वरिष्ठ व्यवस्थापक, महिंद्रा गुणवत्ता संस्था, नाशिक), श्री. मराठे नीलकंठ व्ही. (वरिष्ठ उपसंचालक व एचओडी पीटीई एनव्हीएच, आयडी, एआरएआय पुणे) यांची एकूण १८ ऑनलाइन सत्रे घेण्यात आली.

या कार्यशाळेत औद्योगिक आयओटी आणि उत्पादन, आयओटीसह टूवर्डस इंडस्ट्री ४.0., अभिनव ड्रायव्हिंग टेस्ट सिस्टम, आयओटी प्रोटोटायपिंग क्लाऊड , आयओटी फॉर प्रीसिजन शेती, ड्रायव्हरलेस कार, मल्टी-एजंट प्रणाल्या विकसित करणे एआय अल्गोरिदम आणि कृषी मध्ये संधी, इंटरनेट ऑफ थिंग्ज मधील नवनवीन अद्यावत तंत्रज्ञानाविषयी तसेच जगातील विविध क्षेत्रात औदोयोगिक, वैद्यकीय,सामाजिक, सैन्य,विमान, घरगुती इलेक्ट्रॉनिक्स वस्तूंचे नियंत्रण ई कसा वापर होत आहे याबाबत मार्गदशन करण्यात आले.

सदर कार्यशाळेचा समारोप दि. ०८/०५/२०२१ रोजी झाला. सदर प्रशिक्षिण कार्यशाळेच्या आयोजनकरिता महविद्यालयाचे प्राचार्य डॉ.ए.एस.पंत यांचे मार्गदर्शन लाभले. समारोप कार्यक्रमाकरिता प्रमुख अतिथि म्हणुन श्री. मराठे नीलकंठ व्ही. (वरिष्ठ उपसंचालक व एचओडी पीटीई एनव्हीएच, आयडी, एआरएआय पुणे) यांनी प्रशिक्षणार्थिना मार्गदर्शन केले. स्वयंचल अभियांत्रिकी विभागप्रमुख डॉ. डी. आर. पानगव्हाणे यांनी कार्यशाळा संयोजक व मुख्य समन्वयक, श्री.के.बी,बनसोडे यांनी समन्वयक व श्री.डी.एस.लेंगरे यांनी सह समन्वयक म्हणून काम पाहिले.